കുവൈത്ത് സിറ്റി: കുവൈത്ത് സെന്‍ട്രല്‍ ബാങ്ക് പ്രാദേശിക ബാങ്കുകള്‍ക്ക് പുതിയ നോട്ടുകള്‍ വിതരണം ചെയ്തു. ഈദ് അൽ – അദ്ഹ (വലിയ പെരുന്നാള്‍) അടുക്കുന്നതോടെ ക്ലയന്‍റുകളുടെ ആവശ്യങ്ങൾ നിറവേറ്റുന്നതിനായാണ് കുവൈത്ത് സെൻട്രൽ ബാങ്ക് പുതിയ നോട്ടുകൾ വിതരണം ചെയ്യുന്നത്. ഔദ്യോഗിക പ്രവൃത്തി സമയങ്ങളിൽ ബാങ്കുകളിലും അവയുടെ ശാഖകളിലും പുതിയ നോട്ടുകൾ ലഭിക്കുമെന്ന് ബാങ്ക് ശനിയാഴ്ച പുറത്തിറക്കിയ പത്രക്കുറിപ്പിൽ അറിയിച്ചു.
