OCEANMEDIAS.COM

Expats Travel Ban in Kuwait കുവൈത്ത് സിറ്റി: രാജ്യത്ത് യാത്രാവിലക്ക് നേരിടുന്ന പൗരന്മാര്‍ക്കും പ്രവാസികള്‍ക്കും നിയമലംഘനം നീക്കാന്‍ അവസരം. ഇന്നലെ മുതല്‍ പിഴ അടച്ച് വിലക്ക് സിസ്റ്റത്തിൽ നിന്ന് നീക്കം ചെയ്യാനുള്ള അവസരം ലഭിക്കുമെന്ന് ഏകീകൃത ഗൾഫ് ട്രാഫിക് വീക്ക് കമ്മിറ്റിയുടെ തലവനും ജനറൽ ട്രാഫിക് ഡിപ്പാർട്ട്‌മെന്റ് വക്താവുമായ ബ്രിഗേഡിയർ ജനറൽ മുഹമ്മദ് അൽ സുബ്ഹാൻ അറിയിച്ചു. വ്യാഴം, വെള്ളി ദിവസങ്ങളിൽ ജനറൽ ട്രാഫിക് ഡിപ്പാർട്ട്‌മെന്റ് രാവിലെ 10 മുതൽ രാത്രി 10 വരെ അൽ ഖൈറാൻ മാളിൽ ലഭ്യമാകും. ഞായറാഴ്ച മുതൽ അടുത്ത വ്യാഴാഴ്ച വരെ രണ്ട് ഷിഫ്റ്റുകളിലായി ഉദ്യോഗസ്ഥർ ദ അവന്യൂസ് മാളിലും ഉണ്ടാകും. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/CLMhNAYo6WLEatV4kyMfyX ഗതാഗത നിയമലംഘനങ്ങളുടെ പേരിൽ വിലക്ക് ലഭിച്ചവർക്ക് അത് തീർപ്പാക്കാനും സിസ്റ്റത്തിൽ നിന്ന് നീക്കം ചെയ്യാനും ഇത് ഒരു അവസരമാണെന്നും അതുവഴി ഇടപാടുകൾ പൂർത്തിയാക്കാൻ കഴിയുമെന്നും അദ്ദേഹം വ്യക്തമാക്കി. ഗവർണറേറ്റുകളിലെ ട്രാഫിക് ഡിപ്പാർട്ട്‌മെന്റുകൾ വഴി നിയമലംഘനങ്ങൾ നീക്കം ചെയ്യാൻ കഴിയില്ല. അതിനാല്‍ ഈ സേവനത്തിനായി അൽ ഖൈറാൻ മാളും ദ അവന്യൂസ് മാളുമാണ് നിശ്ചയിച്ചിട്ടുള്ള സ്ഥലങ്ങളെന്നും അൽ സുബ്ഹാൻ വ്യക്തമാക്കി.