Passenger Open Flight Door ലഖ്‌നൗ: വിമാനത്തിന്‍റെ എമര്‍ജെന്‍സി വാതില്‍ തുറക്കാന്‍ ശ്രമിച്ച യാത്രക്കാരന്‍ കസ്റ്റഡിയില്‍. ആകാസ എയർലൈൻസിന്റെ വാരാണസി – മുംബൈ വിമാനത്തിൽ (QP 1497) എമർജൻസി വാതിൽ തുറക്കാൻ ശ്രമിച്ച യാത്രക്കാരനെ പോലീസ് കസ്റ്റഡിയിലെടുത്തു. ജോൺപുർ സ്വദേശിയായ സുജിത് സിങ് എന്നയാളാണ് തിങ്കളാഴ്ച ഈ സുരക്ഷാ വീഴ്ചയ്ക്ക് കാരണമായത്. വൈകുന്നേരം ആറേമുക്കാലിന് ലാൽ ബഹാദൂർ ശാസ്ത്രി അന്താരാഷ്ട്ര വിമാനത്താവളത്തിൽ (വാരാണസി) നിന്ന് മുംബൈയിലേക്ക് പുറപ്പെടേണ്ട വിമാനത്തിലായിരുന്നു സംഭവം. വിമാനം റൺവേയിലേക്ക് നീങ്ങാൻ തുടങ്ങുന്നതിനിടെയാണ് സുജിത് സിങ് എമർജൻസി വാതിൽ തുറക്കാൻ ശ്രമിച്ചത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HuesNH995JB1pzMH2WOjXy സുജിത്തിൻ്റെ ശ്രമം ശ്രദ്ധയിൽപ്പെട്ട വിമാനജീവനക്കാർ ഉടൻ തന്നെ എയർ ട്രാഫിക് കൺട്രോളിൽ (ATC) വിവരം അറിയിച്ചു. സുരക്ഷാ നടപടികളുടെ ഭാഗമായി വിമാനത്തിലെ എല്ലാ യാത്രക്കാരെയും പുറത്തിറക്കി. സുജിത്തിനെ കസ്റ്റഡിയിലെടുത്ത് പോലീസ് ചോദ്യം ചെയ്തു. കൗതുകം കൊണ്ടാണ് വാതിൽ തുറക്കാൻ ശ്രമിച്ചതെന്ന് സുജിത് സിങ് പറഞ്ഞതായി ഫൂൽപുർ എസ്.എച്ച്.ഒ. പ്രവീൺ കുമാർ സിങ് അറിയിച്ചു. സുരക്ഷാ പരിശോധനകൾ പൂർത്തിയാക്കിയ ശേഷം രാത്രി ഏഴേമുക്കാലോടെയാണ് വിമാനം മുംബൈയിലേക്ക് യാത്ര തിരിച്ചത്.

APPLY NOW FOR THE LATEST VACANCIES

ഏറെക്കാലം ഗള്‍ഫില്‍ പ്രവാസി, യുഎഇയിൽ സന്ദർശക വിസയിൽ വീണ്ടുമെത്തി; മലയാളി കുഴഞ്ഞുവീണ് മരിച്ചു

expat malayali dies in uae അബുദാബി: യുഎഇയിലെ അബുദാബിയിൽ വെച്ച് കല്യാശ്ശേരി സ്വദേശി കുഴഞ്ഞുവീണ് മരിച്ചു. കല്യാശ്ശേരിയിലെ കോലത്ത് വയൽ സൊസൈറ്റി റോഡിന് സമീപം താമസിച്ചിരുന്ന പുളിയങ്കോടൻ രാജേഷ് (52) ആണ് മരിച്ചത്. ഒക്ടോബർ 29നാണ് അബുദാബിയിലെ താമസസ്ഥലത്ത് വെച്ച് രാജേഷിനെ കുഴഞ്ഞുവീണ നിലയിൽ കണ്ടെത്തിയത്. കൂടെ താമസിച്ചിരുന്നവർ ഉടൻ തന്നെ അദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സന്ദർശക വിസയിലാണ് അദ്ദേഹം യു.എ.ഇയിൽ എത്തിയത്. ഏറെക്കാലം ഗൾഫിൽ ജോലി ചെയ്തതിനു ശേഷം കുറച്ചുകാലമായി നാട്ടിലായിരുന്നു രാജേഷ്. നടപടിക്രമങ്ങൾ പൂർത്തിയാക്കി മൃതദേഹം ഇന്ന് (നവംബർ 4) വൈകിട്ട് നാട്ടിലെത്തിക്കും. നവംബർ 6-ന് ചെക്കിക്കുണ്ട് സമുദായ ശ്മശാനത്തിലായിരിക്കും സംസ്കാര ചടങ്ങുകൾ നടക്കുക. പിതാവ്: പുളിയാങ്കോടൻ കുഞ്ഞിരാമൻ (മുൻ പഞ്ചായത്ത് അംഗം, കല്യാശ്ശേരി), മാതാവ്: ഭാനുമതി, ഭാര്യ: സ്മിത (കൂടാളി സ്വദേശിനി), മകൾ: നന്ദശ്രീ, സഹോദരിമാർ: ഷൈമ, ഷൈജ. 

ഭാഗ്യവാര്‍ത്ത തേടിയെത്തിയപ്പോള്‍ ‘ഫോണ്‍ സൈലന്‍റ്’, അറിയാന്‍ വൈകിയ ആഹ്ളാദനിമിഷം, ബിഗ് ടിക്കറ്റ് വിജയിയായി ഇന്ത്യക്കാരന്‍

Big Ticket ദുബായ്: അബുദാബി ബിഗ് ടിക്കറ്റ് റാഫിൾ ഡ്രോ സീരീസ് 280-ലെ ഏറ്റവും വലിയ സമ്മാനമായ 25 മില്യൺ ദിർഹം (ഏകദേശം ₹56.4 കോടി) നേടി ചെന്നൈ സ്വദേശിയായ സരവണൻ വെങ്കിടാചലം (44). തൻ്റെ ജീവിതം മാറ്റിമറിച്ച ഈ വാർത്ത തേടിയെത്തുമ്പോൾ ഫോൺ സൈലൻ്റ് മോഡിലായിരുന്നതിനാൽ, ബിഗ് ടിക്കറ്റ് അവതാരകരുടെ വിളികൾ അദ്ദേഹത്തിന് നഷ്ടമായി. ജോലിസ്ഥലത്തായിരിക്കുമ്പോഴാണ് ബിഗ് ടിക്കറ്റ് അവതാരകരായ റിച്ചാർഡും ബൗച്ച്രയും വിളിച്ചത്. എന്നാൽ, അപരിചിത നമ്പറുകളിൽ നിന്നുള്ള കോളുകൾ സുരക്ഷിതമല്ലാത്തതിനാൽ അദ്ദേഹം തിരിച്ചുവിളിച്ചില്ല. ഭാര്യയും സുഹൃത്തുക്കളും നിരന്തരം വിളിച്ചപ്പോഴാണ് സമ്മാനം നേടിയ വിവരം അദ്ദേഹം അറിഞ്ഞത്. “ഇത് വിശ്വസിക്കാനായില്ല. എൻ്റെ പേരുള്ള മറ്റ് ആളുകളും ഉണ്ടാകുമല്ലോ, അതിനാൽ സത്യമാണോ എന്ന് ഉറപ്പില്ലായിരുന്നു,” സരവണൻ ഗൾഫ് ന്യൂസിനോട് പറഞ്ഞു. പിന്നീട് ബിഗ് ടിക്കറ്റുമായി സംസാരിച്ച ശേഷമാണ് അദ്ദേഹം വിജയം സ്ഥിരീകരിച്ചത്.
2019-ൽ യുഎഇയിൽ എത്തിയ സരവണൻ ഇതിനുമുമ്പ് ഖത്തർ, കുവൈത്ത്, ഒമാൻ തുടങ്ങിയ ജിസിസി രാജ്യങ്ങളിലും ജോലി ചെയ്തിട്ടുണ്ട്. കടങ്ങളും ലോണുകളും ഉൾപ്പെടെയുള്ള സാമ്പത്തിക സമ്മർദ്ദങ്ങൾ തനിക്കുണ്ടായിരുന്നുവെന്നും അദ്ദേഹം വെളിപ്പെടുത്തി. “എല്ലാം ഇതിന് പിന്നിലെ കാരണമാണ്. അതാണ് ആളുകളെ യുഎഇയിലേക്ക് വരാൻ പ്രേരിപ്പിക്കുന്നത്. ഇപ്പോൾ എൻ്റെ കുട്ടികളുടെ ഭാവിയാണ് ഞാൻ ഉറപ്പിച്ചത്. അവരുടെ വിദ്യാഭ്യാസം മാത്രമാണ് എൻ്റെ മനസ്സിലുള്ള ഏക കാര്യം”, സരവണൻ വെങ്കിടാചലത്തിന്‍റെ വാക്കുകള്‍. 2018-ൽ ഖത്തറിലായിരിക്കുമ്പോൾ തൻ്റെ മുൻ സഹപ്രവർത്തകരിൽ ഒരാൾ ബിഗ് ടിക്കറ്റ് സമ്മാനം നേടിയതാണ് ടിക്കറ്റെടുക്കാൻ അദ്ദേഹത്തിന് പ്രചോദനമായത്. അതിനുശേഷം ഇടവിട്ടാണ് ടിക്കറ്റെടുത്തത്. ഏറ്റവും കൗതുകകരമായ കാര്യം, അദ്ദേഹം സ്വന്തം പണം ചെലവഴിക്കാതെ ക്രെഡിറ്റ് കാർഡ് റിവാർഡ് പോയിൻ്റുകൾ ഉപയോഗിച്ചാണ് ടിക്കറ്റുകൾ വാങ്ങിയിരുന്നത്. ‘ഒന്ന് വാങ്ങിയാൽ ഒന്ന് സൗജന്യം’ (Buy 1, get 1 free) എന്ന പ്രമോഷൻ്റെ ഭാഗമായി ഒക്ടോബർ 30-നാണ് സരവണൻ ടിക്കറ്റ് (നമ്പർ 463221) വാങ്ങിയത്. ടിക്കറ്റ് ഒറ്റയ്ക്ക് എടുത്തതിനാൽ സമ്മാനം ആരുമായും പങ്കുവെക്കേണ്ട. “ഇതിന് പ്രത്യേക പാറ്റേൺ ഒന്നുമില്ല. മാസാവസാനം എനിക്കീ നമ്പർ ഇഷ്ടപ്പെട്ടു, അത്രമാത്രം,” അദ്ദേഹം പറഞ്ഞു. ജീവിതത്തിൽ ആദ്യമായാണ് തനിക്ക് ഒരു സമ്മാനം ലഭിക്കുന്നതെന്നും അദ്ദേഹം കൂട്ടിച്ചേർത്തു. സമ്മാനം നേടിയ ശേഷം സുഹൃത്തുക്കളും സഹപ്രവർത്തകരും അഭിനന്ദിക്കാൻ വീട്ടിലെത്തുന്നുണ്ടെന്നും സരവണൻ പറഞ്ഞു. അദ്ദേഹം മറ്റുള്ളവരെ വ്യക്തിഗതമായോ കൂട്ടമായോ ബിഗ് ടിക്കറ്റിൽ പങ്കെടുക്കാൻ പ്രോത്സാഹിപ്പിക്കുന്നുണ്ട്.

പ്രവാസി വ്യവസായി യുഎഇയില്‍ മരിച്ചു

Malayali Dies in UAE ദുബായ്: ഒമാനിലെ വ്യവസായി ദുബായിൽ മരിച്ചു.കണ്ണൂർ തുവ്വക്കുന്ന് സ്വദേശി അബ്ദുറഹ്മാൻ തുണ്ടിയിൽ (58) ആണ് ഹൃദയാഘാതം മൂലം മരിച്ചത്. ദീർഘകാലം മസ്കത്തിലെ സഹമിൽ കഫ്റ്റീരിയ നടത്തിയിരുന്ന അബ്ദുൽറഹ്മാൻ പിന്നീട് സൊഹാർ കേന്ദ്രീകരിച്ച് ട്രാൻസ്പോർട്ടിങ് ജോലി ചെയ്തു. നിയമനടപടികൾക്ക് ശേഷം മൃതദേഹം ഇന്നലെ രാത്രിയോടുകൂടി ദുബായിൽ നിന്ന് നാട്ടിലെത്തിച്ചു. ശേഷം തുവ്വക്കുന്ന് ജമാഅത്ത് പള്ളി ഖബർസ്ഥാനിൽ അടക്കം ചെയ്യുമെന്ന് ബന്ധുക്കൾ അറിയിച്ചു.

ജീവനക്കാരന് ഉടമ നല്‍കാനുള്ളത് 18 ലക്ഷത്തിലേറെ, ശമ്പള കുടിശ്ശിക വേഗം തീര്‍പ്പാക്കണമെന്ന് യുഎഇ കോടതി

Salary Arrears അ​ബുദാ​ബി: മുൻ ജീവനക്കാരന് വേതന കുടിശ്ശിക, വിരമിക്കൽ ആനുകൂല്യങ്ങൾ എന്നിവയിനത്തിൽ 83,560 ദിർഹം (ഏകദേശം ₹18.89 ലക്ഷം) നൽകാൻ കമ്പനിക്ക് നിർദേശം നൽകി അബുദാബി ലേബർ കോടതി. ശമ്പള കുടിശ്ശിക ഉൾപ്പെടെയുള്ള ആനുകൂല്യങ്ങൾ ലഭിക്കുന്നതിനായി തൊഴിലാളിയാണ് ലേബർ കോടതിയെ സമീപിച്ചത്. തൊഴിലാളി കോടതിയിൽ ആവശ്യപ്പെട്ട ആകെ തുക 85,000 ദിർഹമാണ്. ശമ്പള കുടിശ്ശിക 11,000 ദിർഹം, വിരമിക്കൽ ആനുകൂല്യം (ഗ്രാറ്റുവിറ്റി) 59,000 ദിർഹം, എടുക്കാത്ത വാർഷിക അവധി 15,000 ദിർഹം, ആകെ ആവശ്യപ്പെട്ടത് 85,000 ദിർഹം. 5600 ദിർഹം അടിസ്ഥാന ശമ്പളമടക്കം 11,000 ദിർഹം ശമ്പളത്തിൽ 12 വർഷത്തോളം താൻ കമ്പനിയിൽ ജോലി ചെയ്തിരുന്നതായി തൊഴിലാളി തെളിവുകൾ സഹിതം കോടതിയെ ബോധിപ്പിച്ചു. തെളിവുകൾ പരിശോധിച്ച അബുദാബി ലേബർ കോടതി, കമ്പനി തൊഴിലാളിക്ക് നൽകാനുള്ള 83,560 ദിർഹം അടിയന്തരമായി കൈമാറാൻ ഉത്തരവിട്ടു. തൊഴിലവകാശങ്ങൾ സംരക്ഷിക്കപ്പെടുന്നതിലെ യുഎഇയുടെ നിയമപരമായ ഇടപെടലിന് ഈ വിധി അടിവരയിടുന്നു. 

നി​ർ​മാ​ണ ജോ​ലി​ക്കി​ടെ​യു​ണ്ടാ​യ അ​പ​ക​ട​ത്തി​ൽ ശ​രീ​രം പൂ​ർ​ണ​മാ​യും ത​ള​ർ​ന്നു; യുഎഇയിൽ യു​വാ​വി​ന്​ നഷ്ടപരിഹാരം

UAE Accident Compensation ദുബായ്: നിർമാണത്തിനിടെയുണ്ടായ അപകടത്തിൽ ശരീരം പൂർണമായും തളർന്നുപോയ 26 വയസുകാരന് 40 ലക്ഷം ദിർഹം (ഏകദേശം ₹9.03 കോടി) നഷ്ടപരിഹാരം നൽകാൻ ദുബായ് സിവിൽ കോടതി ഉത്തരവിട്ടു. നിർമാണ കമ്പനികൾ, ഉപകരണ കമ്പനികൾ, ഇൻഷുറൻസ് കമ്പനികൾ എന്നിവ സംയുക്തമായാണ് ഈ തുക നൽകേണ്ടത്. 2023ൽ എമിറേറ്റിലെ ഒരു ജോലിസ്ഥലത്ത്, ഫോർക്ക്‌ലിഫ്റ്റ് ഉപയോഗിച്ച് ഗ്ലാസ് പാനൽ ഉയർത്തുന്നതിനിടെ അത് തകർന്ന് യുവാവിൻ്റെ ദേഹത്തേക്ക് വീഴുകയായിരുന്നു. ഗുരുതരമായി പരിക്കേറ്റ യുവാവിനെ ഉടൻ ആശുപത്രിയിലെത്തിച്ചെങ്കിലും അരയ്ക്ക് താഴെ ശരീരം പൂർണമായും ചലനമറ്റ അവസ്ഥയിലായി. അപകടത്തിൽ യുവാവിന് 95 ശതമാനം അംഗവൈകല്യം സംഭവിച്ചതായി ഫോറൻസിക് റിപ്പോർട്ട് സ്ഥിരീകരിച്ചു. ക്രെയിനും ഫോർക്ക്‌ലിഫ്റ്റും ഉപയോഗിക്കുമ്പോൾ പാലിക്കേണ്ട സുരക്ഷാ മാനദണ്ഡങ്ങളിൽ വീഴ്ച വരുത്തിയ മൂന്ന് സൂപ്പർവൈസർമാർ സംഭവത്തിൽ കുറ്റക്കാരാണെന്ന് ദുബായ് ക്രിമിനൽ കോടതി നേരത്തേ കണ്ടെത്തിയിരുന്നു. ഇവർക്ക് രണ്ട് മാസത്തെ തടവും 20,000 ദിർഹം വീതം പിഴയും കോടതി വിധിച്ചു. പിന്നീട്, ശിക്ഷ മൂന്ന് വർഷത്തേക്ക് മരവിപ്പിച്ചെങ്കിലും ഒരാളെ നാടുകടത്താൻ ഉത്തരവിട്ടിരുന്നു. ക്രിമിനൽ കോടതിയുടെ ഈ വിധി അപ്പീൽ കോടതി ശരിവെക്കുകയും ചെയ്തു. ക്രിമിനൽ കോടതിയുടെ വിധി അശ്രദ്ധയാണ് അപകടത്തിന് കാരണമായതെന്ന് തെളിയിക്കുന്നുവെന്ന് ചൂണ്ടിക്കാട്ടി, ജീവനക്കാരൻ പ്രധാന കരാറുകാരൻ, ഉപകരാറുകാരൻ (സബ് കോൺട്രാക്ടർ), ക്രെയിൻ ഓപ്പറേറ്റർ, ഇൻഷുറൻസ് കമ്പനികൾ ഉൾപ്പെടെ എട്ട് കക്ഷികൾക്കെതിരെ 70 ലക്ഷം ദിർഹം നഷ്ടപരിഹാരം ആവശ്യപ്പെട്ട് സിവിൽ കോടതിയെ സമീപിക്കുകയായിരുന്നു. അപകടത്തിന് കാരണമായ സംഭവത്തിൽ എല്ലാ കമ്പനികൾക്കും കരാറുകളിലും മേൽനോട്ടത്തിലും പങ്കുണ്ടെന്ന് സിവിൽ കോടതി വ്യക്തമാക്കി. തുടർന്ന്, പ്രധാന കരാറുകാർ, സബ് കോൺട്രാക്ടർ, ഉപകരണ കമ്പനികൾ, ഡ്രൈവർ, ഇൻഷുറൻസ് കമ്പനികൾ എന്നിവർ ചേർന്ന് യുവാവിന് 40 ലക്ഷം ദിർഹം നഷ്ടപരിഹാരം നൽകാൻ കോടതി ഉത്തരവിട്ടു. വിധി പുറപ്പെടുവിച്ച തീയതി മുതൽ തുക കൈമാറുന്നത് വരെ വാർഷിക പലിശയായി 5 ശതമാനം തുകയും എതിർകക്ഷികൾ നൽകണം. കൂടാതെ, കോടതി ഫീസും അവർ വഹിക്കണമെന്ന് കോടതി നിർദ്ദേശിച്ചു.

പ്രവാസി മലയാളി യുഎഇയില്‍ മരിച്ചു

Expat Malayali Dies in UAE ദുബായ്: പ്രവാസി മലയാളി യുഎഇയില്‍ മരിച്ചു. തൃശൂർ വടക്കേക്കാട് ഐ.സി.എ വട്ടംപാടം സ്വദേശി തൊഴുക്കാട്ടിൽ റഫീഖിന്‍റെ മകൻ വജീഹ് (27) ആണ് മരിച്ചത്. ദുബായിലെ വർസാനില്‍ വെച്ചാണ് മരിച്ചത്. ബാങ്കിലായിരുന്നു ജോലി. മയ്യിത്ത് നടപടി ക്രമങ്ങൾക്ക് ശേഷം തിങ്കളാഴ്ച വൈകുന്നേരം നാലിന്​ അൽഖിസൈസ് ഖബർസ്ഥാനിൽ ഖബറടക്കുമെന്ന് ബന്ധപ്പെട്ടവർ അറിയിച്ചു.

വീണ്ടും ദുരന്തം; ആദ്യമകന്‍ മരിച്ച് 11 വര്‍ഷങ്ങള്‍ക്ക് ശേഷം മറ്റൊരു മകന്‍ യുഎഇയില്‍ വാഹനാപകടത്തില്‍ മരിച്ചു

Dubai Accident ആദ്യമകന്‍ വാഹനാപകടത്തിൽ കൊല്ലപ്പെട്ട് 11 വർഷങ്ങൾക്ക് ശേഷം, 29 കാരനായ മറ്റൊരു മകൻ വാഹനാപകടത്തിൽ മരിച്ചതിനെ തുടർന്ന് ഷാർജയിലെ ഈജിപ്ഷ്യൻ പ്രവാസി ദമ്പതികൾ വീണ്ടും ദുരന്തത്തിന്റെ പിടിയിലായി. ദുബായ് ആസ്ഥാനമായുള്ള ഒരു ചാരിറ്റി ഫൗണ്ടേഷനിൽ ജോലി ചെയ്തിരുന്ന അമർ ഹെഷാം ആണ് ശനിയാഴ്ച രാവിലെ ദുബായിൽ ഉണ്ടായ ഒരു കാർ അപകടത്തിൽ മരിച്ചത്. അദ്ദേഹം കാറിൽ ഒറ്റയ്ക്കായിരുന്നു എന്നാണ് റിപ്പോർട്ട്. അമറിന്റെ മാതാപിതാക്കളായ ഡോ. ഹെഷാം അബ്ദുൽ ഹാലിമും യാസ്മീൻ ഹെഷാമും മകന്റെ മരണവാര്‍ത്ത അറിഞ്ഞതിന് പിന്നാലെ ദേഹാസ്വാസ്ഥ്യത്തെ തുടര്‍ന്ന് ആശുപത്രിയിൽ പ്രവേശിപ്പിച്ചിരിക്കുകയാണെന്ന് ബന്ധു പറഞ്ഞു. “അദ്ദേഹത്തിന്റെ പിതാവ് ഐസിയുവിലാണ്, അമ്മയും ആശുപത്രിയിൽ ചികിത്സയിലാണ്,” ബന്ധു പറഞ്ഞു. 2018 ൽ അമർ ബിരുദം നേടിയ ഷാർജ സർവകലാശാലയിലെ സ്കൗട്ട്സ് ട്രൈബ്‌സിന്റെ വിദ്യാർത്ഥി പ്രവർത്തനങ്ങളുടെ തലവനും സൂപ്പർവൈസറുമാണ് ഡോ. ഹെഷാം. അതേസമയം, അമറിന്റെ ഉറ്റ സുഹൃത്ത് സോണി ഇദ്രീസ് പറഞ്ഞു, സുഹൃത്തുക്കളും അവരുടെ കുടുംബങ്ങളും ഹൃദയം തകർന്നിരിക്കുന്നു.  വെള്ളിയാഴ്ച രാത്രി ദുബായിൽ ഒരു സംഗീത പരിപാടിയിൽ പങ്കെടുത്ത ശേഷം അമർ താമസിച്ചിരുന്ന സുഹൃത്തിന്റെ വീട്ടിൽ നിന്ന് മടങ്ങുമ്പോഴാണ് അപകടം സംഭവിച്ചതെന്ന് അവർ പറഞ്ഞു. “ശനിയാഴ്ച രാവിലെ ഏഴ് മണിയോടെ അർജൻ റൗണ്ട്എബൗട്ടിൽ വെച്ച് കാർ ഒരു തൂണിൽ ഇടിക്കുകയായിരുന്നു,” സോണി കണ്ണീരോടെ പറഞ്ഞു. “അദ്ദേഹത്തെ അടുത്തുള്ള ആശുപത്രിയിൽ എത്തിച്ചെങ്കിലും താമസിയാതെ മരിച്ചു.” 2014-ൽ, അംറിന്റെ ഇളയ സഹോദരനും ഏക സഹോദരനുമായ കരീം ഹിഷാം 14-ാം വയസ്സിൽ ഒരു കാർ അപകടത്തിൽ മരണപ്പെട്ടിരുന്നു. “പത്തോ പതിനൊന്നോ വർഷങ്ങൾക്ക് മുമ്പ് ഞങ്ങൾ ഇതേ ആശുപത്രി സാഹചര്യത്തിലായിരുന്നു. വീണ്ടും അതേ വേദന അനുഭവിക്കേണ്ടി വരുന്നത് അസഹനീയമാണ്,” സ്കൂൾ കാലം മുതൽ അമറിന്റെ സുഹൃത്തായ സോണി പറഞ്ഞു. യുഎഇയിൽ ജനിച്ചു വളർന്ന അമറിനെ ഞായറാഴ്ച ഷാർജയിലെ സഹോദരന്റെ അടുത്തായി അടക്കം ചെയ്തു.