Stealing Laptop Dubai ദുബായിലെ പ്രമുഖ റീട്ടെയിൽ സ്റ്റോറിൽ നിന്ന് ലാപ്ടോപ്പ് മോഷ്‌ടിച്ച ഏഷ്യൻ വംശജന് കോടതി തടവും നാടുകടത്തലും ശിക്ഷ വിധിച്ചു. ഏകദേശം 3,000 ദിർഹം വിലവരുന്ന ലാപ്ടോപ്പ് മോഷ്‌ടിച്ച കേസിലാണ് പ്രതിക്ക് ദുബായ് കോടതി ഒരു മാസത്തെ തടവ് ശിക്ഷ വിധിച്ചത്. ശിക്ഷാ കാലാവധി പൂർത്തിയാക്കിയ ശേഷം ഇയാളെ യുഎഇയിൽ നിന്ന് നാടുകടത്താനും ഉത്തരവുണ്ട്. സ്റ്റോറിൽ നല്ല തിരക്കുള്ള സമയം നോക്കിയാണ് പ്രതി എത്തിയത്. ജീവനക്കാർ ഉപഭോക്താക്കളെ സഹായിക്കുന്ന തിരക്കിലായതിനാൽ ഇലക്ട്രോണിക്സ് വിഭാഗത്തിൽ പ്രദർശിപ്പിച്ചിരുന്ന ലാപ്ടോപ്പ് ഇയാൾ കൈക്കലാക്കി. ലാപ്ടോപ്പിലെ സെക്യൂരിറ്റി ടാഗ് നീക്കം ചെയ്ത് ഉപേക്ഷിച്ച ശേഷം ഉപകരണം ഒളിപ്പിച്ചു കടത്തുകയായിരുന്നു. കടയിൽ നിരീക്ഷണ ക്യാമറകൾ ഉണ്ടായിരുന്നുവെങ്കിലും ഇയാൾ അത് വകവെക്കാതെയാണ് മോഷണം നടത്തിയത്. രണ്ട് ദിവസത്തിന് ശേഷം സ്റ്റോറിലെ സെക്യൂരിറ്റി സൂപ്പർവൈസർ സിസിടിവി ദൃശ്യങ്ങൾ പരിശോധിച്ചപ്പോഴാണ് മോഷണം ശ്രദ്ധയിൽപ്പെട്ടത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT ഉടൻ തന്നെ പോലീസിൽ പരാതി നൽകുകയും അന്വേഷണത്തിനൊടുവിൽ പ്രതിയെ പിടികൂടുകയും ചെയ്തു. പബ്ലിക് പ്രോസിക്യൂഷന്റെ ചോദ്യം ചെയ്യലിൽ പ്രതി കുറ്റം സമ്മതിച്ചിരുന്നു. എന്നാൽ കോടതിയിൽ കേസ് എത്തിയപ്പോൾ ഇയാൾ മൊഴി മാറ്റുകയും മറ്റൊരു വ്യക്തിയാണ് മോഷണം നടത്തിയതെന്ന് വാദിക്കുകയും ചെയ്തു. പ്രതിയുടെ വാദങ്ങൾ തള്ളിക്കളഞ്ഞ കോടതി, സിസിടിവി ദൃശ്യങ്ങളും മുൻപത്തെ കുറ്റസമ്മതവും കണക്കിലെടുത്ത് ഇയാൾ കുറ്റക്കാരനാണെന്ന് കണ്ടെത്തി. ഒരു മാസത്തെ ജയിൽ ശിക്ഷ അനുഭവിക്കണം. മോഷ്‌ടിച്ച ലാപ്ടോപ്പിന്റെ വിലയായ 2,999 ദിർഹം നഷ്ടപരിഹാരമായി നൽകണം. ശിക്ഷ കഴിഞ്ഞാലുടൻ രാജ്യത്തുനിന്ന് പുറത്താക്കും.

യുഎഇയിലെ പുതിയ ജോലി അവസരങ്ങൾ ഇതാ

യുഎഇയിലെ ഈ നഗരത്തിന്‍റെ സൗന്ദര്യം നിലനിർത്താൻ കർശന നിയമങ്ങൾ; ലംഘിച്ചാൽ വൻ പിഴ

UAE public appearance violations അബുദാബി: നഗരത്തിന്റെ പൊതുവായ കാഴ്ചയ്ക്ക് ഭംഗികേട് വരുത്തുന്ന രീതിയിലുള്ള 16 തരം നിയമലംഘനങ്ങൾ മുനിസിപ്പാലിറ്റി തിരിച്ചറിഞ്ഞിട്ടുണ്ട്. നിയമങ്ങൾ ലംഘിക്കുന്നവർക്കെതിരെ കർശന നടപടി സ്വീകരിക്കുമെന്നും കുറ്റം ആവർത്തിച്ചാൽ പിഴത്തുക ഇരട്ടിയാകുമെന്നും അധികൃതർ വ്യക്തമാക്കി. പ്രധാന നിയമലംഘനങ്ങളും പിഴകളും: 1. പൊതുസ്ഥലത്തെ തടസ്സങ്ങൾ (പിഴ: ആദ്യതവണ 1,000 ദിർഹം, രണ്ടാം തവണ 2,000, മൂന്നാം തവണ 4,000): പൊതുസ്ഥലങ്ങളിൽ സാധനങ്ങൾ സൂക്ഷിക്കുക, കാരവനുകൾ പോലുള്ള താൽക്കാലിക നിർമ്മിതികൾ സ്ഥാപിക്കുക. കാൽനടയാത്രക്കാർക്ക് തടസ്സമുണ്ടാക്കുന്ന രീതിയിലോ പൊതുജനാരോഗ്യത്തിന് ഭീഷണിയാകുന്ന രീതിയിലോ വസ്തുക്കൾ അലക്ഷ്യമായി ഇടുന്നത്. പൊതു സൗകര്യങ്ങൾ ഉപയോഗിക്കുന്ന കമ്പനികൾ ഉപകരണങ്ങൾ ശരിയായി പരിപാലിക്കാതിരിക്കുക. ചുവരുകളിലും മറ്റും അനുമതിയില്ലാതെ ഗ്രാഫിറ്റിയോ അടയാളങ്ങളോ വരയ്ക്കുക. 2. വീടുകളിലെയും കടകളിലെയും ശുചിത്വം (പിഴ: ആദ്യതവണ 500 ദിർഹം മുതൽ): ബാൽക്കണികളിലോ ജനാലകളിലോ പുറത്തേക്ക് കാണുന്ന രീതിയിൽ പരവതാനികൾ വിരിക്കുകയോ വൃത്തിയാക്കുകയോ ചെയ്യുക. കടയുടമകൾ കടയ്ക്ക് മുന്നിലെ നടപ്പാതയും പരിസരവും വൃത്തിയായി സൂക്ഷിക്കാതിരിക്കുക. വ്യാപാര സ്ഥാപനങ്ങളിലെ വേസ്റ്റ് ബിന്നുകൾ അഴുക്കായി കിടക്കുക. റോഡിലേക്ക് അഭിമുഖമായുള്ള ബാൽക്കണികളിലോ ജനാലകൾക്ക് പുറത്തോ തുണി ഉണക്കാൻ ഇടുക. നഗരത്തിന്റെ ഭംഗി നിലനിർത്തുന്നതിനും പൊതുജനാരോഗ്യം ഉറപ്പാക്കുന്നതിനും എല്ലാവരും സഹകരിക്കണമെന്ന് മുനിസിപ്പാലിറ്റി അഭ്യർത്ഥിച്ചു. ‘അൽ ഖലീജ്’ പത്രമാണ് ഈ വിവരങ്ങൾ റിപ്പോർട്ട് ചെയ്തത്.

യുഎഇയിലെ ഈ നഗരത്തിന്‍റെ സൗന്ദര്യം നിലനിർത്താൻ കർശന നിയമങ്ങൾ; ലംഘിച്ചാൽ വൻ പിഴ

UAE public appearance violations അബുദാബി: നഗരത്തിന്റെ പൊതുവായ കാഴ്ചയ്ക്ക് ഭംഗികേട് വരുത്തുന്ന രീതിയിലുള്ള 16 തരം നിയമലംഘനങ്ങൾ മുനിസിപ്പാലിറ്റി തിരിച്ചറിഞ്ഞിട്ടുണ്ട്. നിയമങ്ങൾ ലംഘിക്കുന്നവർക്കെതിരെ കർശന നടപടി സ്വീകരിക്കുമെന്നും കുറ്റം ആവർത്തിച്ചാൽ പിഴത്തുക ഇരട്ടിയാകുമെന്നും അധികൃതർ വ്യക്തമാക്കി. പ്രധാന നിയമലംഘനങ്ങളും പിഴകളും: 1. പൊതുസ്ഥലത്തെ തടസ്സങ്ങൾ (പിഴ: ആദ്യതവണ 1,000 ദിർഹം, രണ്ടാം തവണ 2,000, മൂന്നാം തവണ 4,000): പൊതുസ്ഥലങ്ങളിൽ സാധനങ്ങൾ സൂക്ഷിക്കുക, കാരവനുകൾ പോലുള്ള താൽക്കാലിക നിർമ്മിതികൾ സ്ഥാപിക്കുക. കാൽനടയാത്രക്കാർക്ക് തടസ്സമുണ്ടാക്കുന്ന രീതിയിലോ പൊതുജനാരോഗ്യത്തിന് ഭീഷണിയാകുന്ന രീതിയിലോ വസ്തുക്കൾ അലക്ഷ്യമായി ഇടുന്നത്. പൊതു സൗകര്യങ്ങൾ ഉപയോഗിക്കുന്ന കമ്പനികൾ ഉപകരണങ്ങൾ ശരിയായി പരിപാലിക്കാതിരിക്കുക. ചുവരുകളിലും മറ്റും അനുമതിയില്ലാതെ ഗ്രാഫിറ്റിയോ അടയാളങ്ങളോ വരയ്ക്കുക. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT 2. വീടുകളിലെയും കടകളിലെയും ശുചിത്വം (പിഴ: ആദ്യതവണ 500 ദിർഹം മുതൽ): ബാൽക്കണികളിലോ ജനാലകളിലോ പുറത്തേക്ക് കാണുന്ന രീതിയിൽ പരവതാനികൾ വിരിക്കുകയോ വൃത്തിയാക്കുകയോ ചെയ്യുക. കടയുടമകൾ കടയ്ക്ക് മുന്നിലെ നടപ്പാതയും പരിസരവും വൃത്തിയായി സൂക്ഷിക്കാതിരിക്കുക. വ്യാപാര സ്ഥാപനങ്ങളിലെ വേസ്റ്റ് ബിന്നുകൾ അഴുക്കായി കിടക്കുക. റോഡിലേക്ക് അഭിമുഖമായുള്ള ബാൽക്കണികളിലോ ജനാലകൾക്ക് പുറത്തോ തുണി ഉണക്കാൻ ഇടുക. നഗരത്തിന്റെ ഭംഗി നിലനിർത്തുന്നതിനും പൊതുജനാരോഗ്യം ഉറപ്പാക്കുന്നതിനും എല്ലാവരും സഹകരിക്കണമെന്ന് മുനിസിപ്പാലിറ്റി അഭ്യർത്ഥിച്ചു. ‘അൽ ഖലീജ്’ പത്രമാണ് ഈ വിവരങ്ങൾ റിപ്പോർട്ട് ചെയ്തത്.