OCEANMEDIAS.COM

Kuwait Airport കുവൈത്ത് സിറ്റി: ഇനിമുതല്‍ കുവൈത്ത് വിമാനത്താവളത്തില്‍ യാത്രക്കാര്‍ക്ക് വിവിധ നടപടിക്രമങ്ങള്‍ സ്വയം ചെയ്യാന്‍ സാധിക്കും. കുവൈത്ത് എയർവേയ്‌സ് ആണ് ഇക്കാര്യം അറിയിച്ചത്. ഇത് വഴി യാത്രക്കാർക്ക് അവരുടെ ലഗേജ് തൂക്കിനോക്കൽ, ബോർഡിങ് പാസുകൾ അനുവദിക്കൽ എന്നിവയുൾപ്പെടെയുള്ള ചെക്ക്-ഇൻ നടപടിക്രമങ്ങൾ സ്വയം പൂർത്തിയാക്കാൻ സാധിക്കും. ജീവനക്കാരുടെ ഇടപെടലില്ലാതെ യാത്രക്കാർക്ക് അവരുടെ ലഗേജ് തൂക്കിനോക്കാനും ബോർഡിങ് പാസ് സ്വയം ലഭിക്കാനും ഈ സേവനം ലക്ഷ്യമാക്കുന്നത്. യാത്രാ നടപടിക്രമങ്ങൾ വേഗത്തിൽ പൂർത്തിയാക്കാൻ പുതിയ സേവനം സഹായകമാകുമെന്ന് കുവൈത്ത് എയർവേയ്സ് ഡയറക്ടർ ബോർഡ് ചെയർമാൻ ക്യാപ്റ്റൻ അബ്ദുൾ മൊഹ്‌സെൻ അൽ-ഫഖാൻ പറഞ്ഞു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/KMwEWClXY9ILbvwGU92Dbb?mode=ac_t വേനൽക്കാല യാത്രാ സീസൺ ആരംഭിക്കുന്നതോടെ, യാത്രക്കാർക്ക് ചെക്ക്-ഇൻ പ്രക്രിയ സുഗമമാക്കുന്നതിനും തിരക്ക് കുറയ്ക്കുന്നതിനുമുള്ള കുവൈത്ത് എയർവേയ്‌സിന്റെ നിരന്തര ശ്രമങ്ങളുടെ ഭാഗമായാണ് ഈ നടപടി. പുതിയ സേവനം എളുപ്പത്തിലും സൗകര്യപ്രദവുമായും ഉപയോഗിക്കുന്നതിനുള്ള നടപടികളുടെ ഒരു വിശദീകരണ വീഡിയോ കമ്പനി ഉടൻ പുറത്തിറക്കുമെന്നും അദ്ദേഹം അറിയിച്ചു.