‘വിമാനയാത്രയ്ക്കിടെ യാത്രക്കാരന്‍റെ മോശം പെരുമാറ്റം’; സുരക്ഷ കൈകാര്യം ചെയ്തതിൽ കുവൈത്തിന് നന്ദി പറഞ്ഞ് ഗൾഫ് എയർ
Gulf Air Thanks Kuwait കുവൈത്ത് സിറ്റി: വിമാനയാത്രയ്ക്കിടെ ഉണ്ടായ യാത്രക്കാരന്‍റെ മോശം പെരുമാറ്റത്തില്‍ മറ്റു യാത്രക്കാരുടെ സുരക്ഷ കൈകാര്യം ചെയ്തതതില്‍ കുവൈത്തിന് നന്ദി പറഞ്ഞ് ഗള്‍ഫ് എയര്‍. ജൂൺ എട്ടിന് ബഹ്‌റൈനിൽ നിന്ന് കുവൈത്തിലേക്ക് സർവീസ് നടത്തിയിരുന്ന GF213 വിമാനത്തിലാണ് ഒരു യാത്രക്കാരൻ മോശമായി പെരുമാറിയതായി ബഹ്‌റൈൻ രാജ്യത്തിന്റെ ദേശീയ വിമാനക്കമ്പനിയായ ഗൾഫ് എയർ അറിയിച്ചത്. തുടർന്ന്, സ്ഥാപിത പ്രോട്ടോക്കോളുകൾക്കനുസൃതമായി സുരക്ഷാ, മുൻകരുതൽ നടപടികൾ നടപ്പിലാക്കാൻ എയർലൈൻ നിർബന്ധിതരായെന്ന് റിപ്പോര്‍ട്ടുകള്‍ വ്യക്തമാക്കി. കുവൈത്തിലെ ബന്ധപ്പെട്ട അധികാരികളുമായി പൂർണ്ണ ഏകോപനത്തോടെ സ്ഥിതിഗതികൾ കൈകാര്യം ചെയ്തതായി എയർലൈൻ അറിയിച്ചു. കുവൈത്ത് അന്താരാഷ്ട്ര വിമാനത്താവളത്തിൽ ലാൻഡ് ചെയ്തപ്പോൾ, ബന്ധപ്പെട്ട യാത്രക്കാരനെ എയർപോർട്ട് പോലീസ് കസ്റ്റഡിയിലെടുത്തു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ
https://chat.whatsapp.com/G1Hh6T2GWp9Kg4JJmtL9kW മറ്റെല്ലാ യാത്രക്കാരെയും ഒരു അപകടവും കൂടാതെ സുരക്ഷിതമായിറക്കി. വിമാനം കുവൈത്ത് അന്താരാഷ്ട്ര വിമാനത്താവളത്തിൽ എത്തിയപ്പോൾ തന്നെ യാത്രക്കാരനെ വിമാനത്താവള പോലീസ് കസ്റ്റഡിയിലെടുത്തു. യാത്രക്കാർക്ക് ഉണ്ടായ ഏതൊരു അസൗകര്യത്തിലും ഗൾഫ് എയർ ഖേദം പ്രകടിപ്പിക്കുകയും യാത്രക്കാരുടെയും ജീവനക്കാരുടെയും സുരക്ഷയും ക്ഷേമവും തങ്ങളുടെ മുൻ‌ഗണനയായി തുടരുന്നെന്ന് എയര്‍ലൈന്‍ പറഞ്ഞു.
Comments (0)