കുവൈത്ത്: ജോലിക്കെത്തിയില്ല, പരിശോധനയില്‍ വീട്ടുജോലിക്കാരന്‍ തൊഴുത്തില്‍ തൂങ്ങിമരിച്ച നിലയില്‍
കുവൈത്ത് സിറ്റി: ജോലിസ്ഥലത്ത് കൃത്യസമയത്ത് എത്താത്തതിനെ തുടര്‍ന്ന് നടത്തിയ പരിശോധനയില്‍ തൊഴിലാളിയെ തൊഴുത്തില്‍ തൂങ്ങിമരിച്ച നിലയില്‍ കണ്ടെത്തി. സുരക്ഷാ വൃത്തങ്ങള്‍ പറയുന്നതനുസരിച്ച്, തൊഴിലാളി തലേദിവസം മുതൽ തൊഴുത്തിൽ എത്തിയിരുന്നില്ല. സ്പോണ്‍സറാണ് തൊഴിലാളിയെ തൂങ്ങിമരിച്ച നിലയില്‍ കണ്ടെത്തിയത്. മിന അബ്ദുള്ള പ്രദേശത്താണ് സംഭവം. സുരക്ഷാ സേനയും ഫോറൻസിക് വിദഗ്ധരും പബ്ലിക് പ്രോസിക്യൂഷന്റെ പ്രതിനിധിയും സ്ഥലത്തെത്തി. അധികൃതർ കേസ് രജിസ്റ്റർ ചെയ്യുകയും ആവശ്യമായ അന്വേഷണങ്ങൾ നടത്താൻ ഡിറ്റക്ടീവുകളെ ചുമതലപ്പെടുത്തുകയും ചെയ്തു. മറ്റൊരു സംഭവത്തിൽ, ആർട്ടിക്കിൾ 20 പ്രകാരം റെസിഡൻസി കൈവശം വച്ചിരിക്കുന്ന മറ്റൊരു വീട്ടുജോലിക്കാരി ഫഹാഹീൽ പ്രദേശത്തെ തന്റെ സ്പോൺസറുടെ വീട്ടിൽ കൈത്തണ്ട മുറിച്ച് ആത്മഹത്യയ്ക്ക് ശ്രമിച്ചു. പിന്നാലെ, സ്പോൺസറുടെ ഭാര്യ അധികൃതരെ അറിയിച്ചതായി ഒരു സുരക്ഷാ വൃത്തം റിപ്പോർട്ട് ചെയ്തു. വൈദ്യസഹായത്തിനായി അവരെ ഉടൻ തന്നെ അൽ-അദാൻ ആശുപത്രിയിലേക്ക് മാറ്റി. ആത്മഹത്യാശ്രമത്തിന് പിന്നിലെ കാരണങ്ങൾ കണ്ടെത്താൻ അന്വേഷണം ആരംഭിച്ചിട്ടുണ്ട്.
Comments (0)