കുവൈത്ത് സിറ്റി: വില നിരീക്ഷിക്കുന്നതിനും പണപ്പെരുപ്പം നിയന്ത്രിക്കുന്നതിനുമായി പാനല്‍ രൂപീകരിച്ചു. വാണിജ്യ വ്യവസായ മന്ത്രി ഖലീഫ അൽ-അജീൽ ആണ് ഇക്കാര്യം അറിയിച്ചത്. വിലകൾ പഠിക്കുന്നതിനും പണപ്പെരുപ്പവും വിതരണ ശൃംഖലകളും നിരീക്ഷിക്കുന്നതിനുമുള്ള കേന്ദ്ര കമ്മിറ്റി എന്ന് വിളിക്കപ്പെടുന്ന പാനലിന് മന്ത്രാലയം അണ്ടർസെക്രട്ടറിയാണ് നേതൃത്വം നൽകുന്നത്. കൂടാതെ, കുവൈത്ത് ഫെഡറേഷൻ ഓഫ് ഫുഡ് ട്രേഡേഴ്‌സ് ആൻഡ് മാനുഫാക്‌ചറേഴ്‌സ് ഉൾപ്പെടെ 15 മന്ത്രാലയങ്ങളിൽ നിന്നും വകുപ്പുകളിൽ നിന്നുമുള്ള മുതിർന്ന പ്രതിനിധികളും ഉൾപ്പെടുന്നു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/L6hYb7cEsDxCEiHpJHthOe ഈ തീരുമാനപ്രകാരം, വിവിധ ആഭ്യന്തര വിപണികളിലെ വിലകൾ നിരീക്ഷിക്കാനും നിർണയിക്കാനും തുടർന്ന് വില സ്ഥിരത ഉറപ്പാക്കുന്നതിനുള്ള മാർഗനിർദേശങ്ങളും സംവിധാനങ്ങളും രൂപപ്പെടുത്താനും കമ്മിറ്റിക്ക് അധികാരമുണ്ട്. കുവൈത്തിലെ പണപ്പെരുപ്പ നിരക്കുകൾ പഠിക്കുകയും അവ കൈകാര്യം ചെയ്യുന്നതിനും അവയുടെ ആഘാതം പരിമിതപ്പെടുത്തുന്നതിനും മതിയായ ശുപാർശകൾ നിർദേശിക്കുമെന്നും തീരുമാനത്തിൽ പറയുന്നു. പ്രാദേശിക വിപണിയിലേക്കുള്ള വിതരണ ശൃംഖലകളെക്കുറിച്ചും പാനൽ പഠനം നടത്തുകയും അവയുടെ ഫലപ്രാപ്തിയും രാജ്യത്തേക്ക് സാധനങ്ങളുടെ സംഘടിത ഒഴുക്കും ഉറപ്പാക്കുകയും ചെയ്യും.