OCEANMEDIAS.COM

കുവൈത്തിലെ ഗതാഗത മന്ത്രാലയം അഞ്ച് ഗവർണറേറ്റുകളിലെ റോഡുകൾക്കായുള്ള അറ്റകുറ്റപ്പണി ലക്ഷ്യം വെച്ച് പദ്ധതി ആരംഭിച്ചു.
ഈ മാസം 12 മുതൽ 17 വരെ നീളുന്ന കാലയളവിൽ വിവിധ ഗവർണറേറ്റുകളിലെ നിരവധി സുപ്രധാന റോഡുകൾ ഉൾക്കൊള്ളുന്നഅനവധി അറ്റകുറ്റപ്പണി പദ്ധതി ആരംഭിച്ചതായി പൊതുമരാമത്ത് മന്ത്രാലയവും റോഡ്, ലാൻഡ് ട്രാൻസ്‌പോർട്ടിനായുള്ള പൊതു അതോറിറ്റിയും പ്രഖ്യാപിച്ചു. റോഡ് മാർഗമുള്ള ഗതാഗതം വികസിപ്പിക്കുന്നതിനും സുരക്ഷ വർദ്ധിപ്പിക്കുന്നതിനുമുള്ള ഭാഗമായാണിത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/FdVLka9eucS8c0Q2tA9bu1 ഹവല്ലി, അഹ്മദി, മുബാറക് അൽ-കബീർ, ജഹ്‌റ എന്നിവിടങ്ങളിലെ എക്സ്പ്രസ് വേകൾ, പ്രധാന റോഡുകൾ, റെസിഡൻഷ്യൽ ഏരിയകൾ ഉൾപ്പടെയുള്ള മേഖലകളിലെ റോഡുകളുടെ നിലവാരം ഉയർത്തുന്നതിനാണ് അറ്റകുറ്റപ്പണികൾ നടപ്പിലാക്കുന്നത്.
മൊറോക്കോ റോഡിലെ ഫോർത്ത് റിംഗ് റോഡ്, മിഷ്‌റിഫിനും സൽവയ്ക്കും എതിർവശത്തുള്ള ഫഹാഹീൽ റോഡ്, കുവൈറ്റിലേക്കുള്ള സാൽമി റോഡ്, സാൽമിയയിലേക്കുള്ള ഫോർത്ത് റിംഗ് റോഡ് ജംഗ്ഷനിലെ ഓവർപാസ്, അബ്ദാലി റോഡ്, ഉയർന്ന ഗതാഗത നിരക്കുള്ള മറ്റ് നിരവധി സുപ്രധാന റോഡുകൾ എന്നിവ ഉൾപ്പെടെ പബ്ലിക് അതോറിറ്റി ഫോർ റോഡ്സിന്റെ ഒന്നിലധികം പണികൾ പദ്ധതിയിൽ ഉൾപ്പെടുന്നുണ്ട്.
നിരവധി റെസിഡൻഷ്യൽ ഏരിയകളിൽ അറ്റകുറ്റപ്പണികൾ നടത്തുന്നതിനായി പൊതുമരാമത്ത് മന്ത്രാലയം എഞ്ചിനീയറിംഗ് ടീമുകളെ നിയോഗിച്ചിട്ടുണ്ട്, വിശദാംശങ്ങൾ ചുവടെ നൽകിയിട്ടുണ്ട് :

തലസ്ഥാനത്ത്: അൽ-ഫൈഹ ബ്ലോക്കുകൾ 1, 6, 9 – കൈഫാൻ ബ്ലോക്ക് 6.
ഹവല്ലിയിൽ: ബയാൻ ബ്ലോക്ക് 6, 7, 8, 11 – സൽവ ബ്ലോക്ക് 5, 7 – മിഷ്‌റിഫ് ബ്ലോക്ക് 7 ബി.
അഹമ്മദിയിൽ: അൽ-അഖൈല ബ്ലോക്ക് 1, 4 – ഫഹദ് അൽ-അഹ്മദ് ബ്ലോക്ക് 1 – സബാഹ് അൽ-അഹ്മദ് റെസിഡൻഷ്യൽ ബ്ലോക്കുകൾ 2, 3, 4, 5 – അൽ-സബാഹിയ ബ്ലോക്കുകൾ 2, 3, 4 – അൽ-ദാഹെർ ബ്ലോക്കുകൾ 5, 7 – അൽ-റഖ ബ്ലോക്കുകൾ 6, 7 – അൽ-മംഗഫ് ബ്ലോക്ക് 4.
ജഹ്‌റയിൽ: സാദ് അൽ-അബ്ദുല്ല (ബ്ലോക്ക് 11) – അൽ-ഖസർ ബ്ലോക്കുകൾ 1, 2, 3, 4 – അൽ-സുലൈബിയ ബ്ലോക്കുകൾ 1 ഉം 2 ഉം.
മുബാറക് അൽ-കബീറിൽ: അബു ഫുതൈറ ബ്ലോക്കുകൾ 6, 7 ഉം 8 ഉം – അൽ-മസീല ബ്ലോക്ക് 6.